Şəxsi Heyətlə İş İdarəsi

Gəncə şəhərində və Qazax-Tovuz bölgəsində xidmət aparan şəxsi heyətin mənəvi-psixoloji hazırlığının yüksəldilməsi ilə bağlı əməkdaşlarla görüşlər keçirilmişdir

Əməkdaşların ideoloji hazırlığının yüksəldilməsi, sosial təşəbbüskarlığının artırılması, innovativ təfəkkürünün inkişaf etdirilməsi, dövlətçilik, milli-mənəvi və ümumbəşəri dəyərlərə hörmət ruhunda tərbiyə olunması, neqativ informasiya təsirlərinin neytrallaşdırılması və pis vərdişlərlə mübarizənin gücləndirilməsi məqsədilə Şəxsi Heyətlə İş İdarəsinin əməkdaşları tərəfindən növbəti görüşlər Gəncə şəhər Baş Polis və Regional Mühafizə idarələrinin, Ağstafa, Qazax və Tovuz rayon polis və regional mühafizə şöbələrinin şəxsi heyəti ilə keçirilmiş, seminar-məşğələlər təşkil olunmuş, aktual mövzular üzrə iştirakçılara zəruri məlumatların çatdırılması təmin edilmişdir.

Təlimlərdə Azərbaycan Respublikasının Prezidenti cənab İlham Əliyevin rəhbərliyi ilə ölkənin dinamik inkişafı, Azərbaycanda keçirilən COP29 tədbirinin nəticələri, DİN-in Kollegiya iclaslarında qeyd olunmuş bir sıra aktual məsələlər, şəxsi heyətin xidmət zamanı və xidmətdən kənar vaxtlarda etik davranış qaydalarına, xidməti intizama və qanunçuluğa əməl etməsinin vacibliyinə, polisin cəmiyyətdə nüfuzunun artırılmasına dair mövzular iştirakçıların nəzərinə çatdırılmış, sosial şəbəkələrdə polisin fəaliyyəti ilə bağlı mənfi rəyin formalaşdırılması cəhdlərinin qarşısının alınması, əməkdaşlar tərəfindən sosial şəbəkələrdən istifadənin, əxlaq normalarına zidd davranışın yolverilməzliyi, xidməti konfidensiallığın qorunmasının zəruriliyi, eləcə də korrupsiya hallarına qarşı mübarizə ilə bağlı mövzular əməkdaşların diqqətinə çatdırılmış, canlı söhbətlər aparılaraq həmin təzahürlərin qarşısının alınması yolları izah edilmiş, onları maraqlandıran suallar cavablandırılmışdır.

Qeyd olunmalıdır ki, bu il ərzində DİN-in 14.02.2024-cü il tarixli 3-13-23/2-436/2024 nömrəli “Daxili işlər orqanlarında ideoloji işin aparılması ilə bağlı 2024-cü ildə Şəxsi Heyətlə İş İdarəsi tərəfindən keçiriləcək seminar-məşğələlərin Plan Cədvəli”nə uyğun olaraq İdarənin əməkdaşları tərəfindən Əlahiddə Çevik Polis Alayının, NBPİ-nin və BMİ-nin struktur qurumlarında, paytaxtın və respublikanın əksər şəhər və rayon polis orqanlarının (ümumilikdə 62 qurum) və 38 mühafizə qurumlarının şəxsi heyəti ilə canlı görüşlər və seminar-məşğələlər keçirilmişdir ki, həmin tədbirlərdə 6300-dək əməkdaş iştirak etmişdir.