Şəxsi Heyətlə İş İdarəsi

Sabirabad rayonu, Şəhriyar kəndinin sakini, tarix müəllimi Ərzuman Babaşov:
Vətəndaşların qəbulu zamanı oğlunun azadlığının məhdudlaşdırılmasının aradan qaldırılması ilə bağlı əfv komissiyasına müraciət etməsinə göstərilmiş köməyə görə cənab Nazirə minnətdarlığını bildirmişdir.

Ələt qəsəbəsi sakini Nüsrətova Xoşqədəm Ağamalı qızı:
Vət. E.Nəzərli və M.Əliyev tərəfindən 6 min manat pulunun ələ keçirilməsi faktı ilə bağlı Yasamal RPİ-də aparılmış araşdırmanın gedişatında vurulmuş maddi ziyanın ona tam şəkildə ödənilməsi təmin edildiyi üçün, eləcə də polis orqanı tərəfindən müraciətinə həssaslıqla yanaşılaraq, göstərilmiş diqqət və hüquqi dəstəyə görə şəxsən cənab Nazirə və İdarənin rəhbərliyinə təşəkkürünü bildirmişdir.

Vətən müharibəsi qəhrəmanı Mirzəyev Anar Mehman oğlu:
12.06.2023-cü il tarixdə İsmayıllı Rayon Polis Şöbəsində vətəndaşlarla keçirilmiş görüş zamanı “Sipark İnşaat” şirkətindən mənzil alması ilə bağlı ona maddi ziyanın vurulması barədə cənab Nazir Vilayət Eyvazova müraciətindən sonra qısa müddətdə məsələnin müsbət həllini tapmasına və göstərilən xüsusui qayğıya görə şəxsən cənab Nazirə təşəkkürünü bildirmişdir.

Azərbaycan Respublikası Milli Məclisinin III çağırış deputatı; İqtisad elmləri doktoru; "Bəydəmirli Xeyriyyə Fondunun" təsisçisi Məmmədov Nazim Hüseyn oğlu:
Azərbaycan Respublikasının Prezidenti İlham Əliyevin tapşırığına uyğun olaraq daxili işlər naziri, general-polkovnik cənab Vilayət Eyvazov aprelin 17-də Sabirabad Rayon Polis Şöbəsində növbəti vətəndaş qəbulu zamanı müraciətlərin əksəriyyətinin yerindəcə həllini tapması, habelə digər şikayətlərin daxili işlər orqanlarının səlahiyyətlərinə aid olmamasına baxmayaraq onları qəbul etdiyinə görə cənab Nazirə təşəkkürünü bildirmişdir.

Bakı şəhər sakini Hüseynxanov İlqar Mütəllim oğlu:
Daxili İşlər Nazirliyinin rəhbərliyinə ünvanlanmış elektron müraciətində Azərbaycan Respublikasının ərazi bütövlüyü uğrunda 1988-ci il fevralın 1-dən 1994-cü il mayın 12-dək erməni millətçi dəstələrinə qarşı aparılan döyüş əməliyyatlarında iştirak etdiyinə görə ona müharibə veteranı adının verilməsində və müvafiq vəsiqə ilə təmin olunmasında göstərilən köməyə görə daxili işlər naziri, general-polkovnik cənab Vilayət Eyvazov başda olmaqla, aidiyyəti əməkdaşlara təşəkkürünü bildirmişdir.