20.10.1998-cı ildə Füzuli rayonu, İkinci Mahmudlu kəndində anadan olmuş, DİN DQ-nin XTD-nin snayper qrupunda atıcı-müşahidəçi vəzifəsində xidmət etmişdir. II Vətən Müharibəsi zamanı 13.10.2020-ci il tarixdə Füzuli rayonu uğrunda gedən döyüşlərdə yaralanıb və 21.01.2021-ci il tarixdə uzun müddət komanda qaldıqdan sonra Bakı şəhərində xəstəxanada vəfat etmişdir. 22.01.2021-ci il tarixdə Füzuli rayonu, 2-ci Mahmudlu kənd qəbiristanlığında dəfn edilmişdir. Subay idi. Döyüşlərdə göstərdiyi igidliyə görə 18.12.2020-ci il tarixdə “Cəsur döyüşçü”, 29.12.2020-ci il tarixdə “Şuşanın azad olunmasına görə”, ölümündən sonra isə 24.06.2021-ci il tarixdə “Vətən Uğrunda”, “Cəbrayılın azad olunmasına görə”, “Kəlbəcərin azad olunmasına görə” və “Füzulinin azad olunmasına görə” medalları ilə təltif edilmişdir.