Bakı şəhər sakini Vüqar Hüseynov
25 dekabr 2025-ci il tarixində Bakı şəhəri, Sabail rayonu, Azərbaycan prospekti ilə Əhməd Cavad küçəsinin kəsişməsində baş vermiş yol-nəqliyyat hadisəsi zamanı 10 yaşlı oğlu səkidə olarkan üzərinə yol nişanı aşaraq kəllə-beyin travması almışdır.

Hadisə zamanı ərazidə olan polis əməkdaşı həyati önəmli addım ataraq övladını dərhal öz avtomobilinə mindirib qısa müddətdə Mərkəzi Hospitala çatdırmışdır. Həkimlərin sözlərinə görə, hər dəqiqə həyatı əhəmiyyət daşıyırdı, çünki oğlu ağır xəsarət aldığından təcili əməliyyat olunmalı idi. Polis əməkdaşının bu fədakar və peşəkar davranışı bir körpə uşağın həyatını xilas etmişdir. Hadisəyə dərhal reaksiya verilməsinə və xəstəni yaxınlıqdakı xəstəxanaya çatdırılmasına görə Daxili İşlər Nazirinə öz təşəkkürünü bildirir, bu cür nümunələrin cəmiyyətimizdə polis-vətəndaş münasibətlərinin daha da möhkəmlənməsinə xidmət edəcəyini qeyd etmişdir.