Şəxsi Heyətlə İş İdarəsi

Daxili işlər orqanlarında ideoloji işin aparılması ilə bağlı polis orqanlarında silsilə görüşlər davam edir

Gənc əməkdaşların mənəvi-psixoloji hazırlığının yüksəldilməsi, xidmətdə olduqları və xidmətdən kənar vaxtlarda etik davranış qaydalarına riayət etmələrinin təmin edilməsi, neqativ informasiya təsirlərinin neytrallaşdırılması və pis vərdişlərlə mübarizənin gücləndirilməsi məqsədilə təsdiq edilmiş DİN-in “2022-2023-cü illərdə daxili işlər orqanlarında ideoloji işin aparılması üzrə” 05.10.2022-ci il tarixli 001-70624-1222 nömrəli Tədbirlər Planının icrası ilə bağlı bir sıra ərazi polis orqanlarında və hissələrində görüşlərin və seminarların keçirilməsi 2023-cü ilin dekabr ayında da davam etdirilmişdir.

Belə ki, cari ilin dekabr ayının 14-də Sabirabad Regional Mühafizə və Sabirabad Rayon Polis, 15-də Saatlı və İmişli Rayon Polis, 16-da İmişli Rayon Mühafizə və Beyləqan Rayon Polis, 17-də isə Beyləqan Regional Mühafizə şöbələrinin şəxsi heyəti ilə canlı görüşlər keçirilərək seminar-məşğələlər təşkil olunmuş, Şəxsi Heyətlə İş İdarəsinin şöbə rəisi polis polkovnik-leytenantı Firdovsi Nəsirov və baş inspektoru polis polkovniki Laçın Paşayev tərəfindən tədbir iştirakçılarına “Azərbaycan Respublikasında 2023-cü ilin “Heydər Əliyev ili” elan edilməsi ilə bağlı Tədbirlər Planı”nın daxili işlər orqanlarında icrasının təşkil edilməsinə dair” DİN-in Ə651-001-22 nömrəli 12.12.2022-ci il tarixli əmrindən, “2022-2023-cü illərdə daxili işlər orqanlarında ideoloji işin aparılması üzrə” DİN-in 05.10.2022-ci il tarixli 001-70624-1222 nömrəli Tədbirlər Planından və “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı”nın daxili işlər orqanlarında yerinə yetirilməsinə dair 2023-cü il üçün DİN-in 26.12.2022-ci il tarixli 002-821-1222 nömrəli İş Planından irəli gələn tələblərə uyğun olaraq müvafiq mövzularla bağlı, eləcə də “20 il xalqın xidmətində: Azərbaycan Respublikasının Prezidenti, Müzəffər Ali Baş Komandan İlham Əliyev xalqımızın qəhrəmanlıq salnaməsini qızıl hərflərlə yazdı”, “44 günlük Zəfərə aparan yolun tarixi, 2023-cü ilin 19-20 sentyabr tarixlərində həyata keçirilmiş lokal xarakterli antiterror tədbirləri, Qarabağa qayıdışla bağlı həyata keçirilən quruculuq işləri və əldə olunmuş uğurlar”, “Daxili işlər orqanları əməkdaşlarının etik davranış Kodeksi” - əməkdaşların xidmət zamanı və xidmətdən kənar vaxtlarda etik davranış qaydalarına əməl etməsinə, polisin cəmiyyətdə nüfuzunun artırılmasına xidmət edən normativ və nizamlayıcı sənəd kimi” və “Etik davranış qaydalarına zidd olan pis vərdişlərlə mübarizə və sosial şəbəkələrdən istifadənin yolverilməzliyi, cəmiyyətdə qəbul olunmuş mənəvi, əxlaqi və mədəni davranış, ailə-məişət normalarına riayət olunmasının vacibliyi” mövzuları üzrə iştirakçılara zəruri məlumatlar verilmişdir.
Bununla yanaşı, sosial şəbəkələrin cəmiyyətin şüuruna mənfi təsir etmə imkanları və yarada biləcək təhlükələr, eləcə də korrupsiya hallarına qarşı mübarizə məsələləri ilə bağlı əməkdaşlarla canlı söhbətlər aparılaraq həmin təzahürlərin qarşısının alınması yolları izah edilmiş, onları maraqlandıran suallar cavablandırılmışdır.

Həmçinin, tədbirlərdə iştirak edən Polis Akademiyasının psixoloqu polis mayoru Azər Hüseynov “Ailə və işgüzar münasibətlərdə psixoloji dayanıqlığın artırılması”, “Polis əməkdaşlarının ekstremal vəziyyətlərdə düzgün qərar qəbul etmələrinin yolları, stress və onun idarə edilməsi”, eləcə də “Polis əməkdaşlarının xidmət zamanı rastlaşdıqları çətinliklər” mövzularında şəxsi heyət qarşısında çıxış edərək zərurui məlumatları iştirakçıların nəzərinə çatdırmışdır.
“2022-2023-cü illərdə daxili işlər orqanlarında ideoloji işin aparılması üzrə” Tədbirlər Planının müvafiq bəndlərinin icrası istiqamətində tədbirlər davam etdirilir.