Daxili İşlər Nazirliyi, polis orqanları gərək həm güclü, həm mənəviyyatca sağlam, həm də dəmir nizam-intizamlı bir təşkilat olsun. Belə bir təşkilat Azərbaycan Respublikasının müstəqilliyini, müstəqil dövlət kimi inkişafını təmin etməlidir.
H.Əlivev
Azərbaycan xalqının ümummilli lideri
Bakı şəhər sakini Hafiz Kərimov:
Yaşadığı Nərimanov rayonu, Z.Bünyadov prospekti, ev 46/68 ünvanının təhlükəsizlik kameraları ilə təchiz olunması, eləcə də küçələrin işıqlandırılmasının təmin edilməsində görülən işlərə görə cənab Nazirə və Nərimanov RPİ-nin 16-cı PB-nin şəxsi heyətinə binanın sakinləri adından təşəkkürünü bildirmişdir.
Şəhid Ailələrinə “Qayğı” Cəmiyyətinin Xocavənd şöbəsinin sədri H.Gülməmmədov:
Xocavənd RPŞ-nin əməkdaşlarının adı çəkilən rayondan olan şəhid ailələrinə və qazilərə göstərdikləri xüsusi qayğının və diqqətin nəticəsi olaraq Azərbaycan polisinin rayon ictimaiyyəti arasında xüsusi nüfuz qazandığını, onların şəhidlərin anım günü və digər tədbirlərdə fəallığı, misilsiz dəstəyinə görə DİN-in rəhbərliyi başda olmaqla şöbənin şəxsi heyətinə təşəkkürünü bildirmişdir.
Ağdam rayonundan məcburi köçkün, hazırda Yasamal rayonu ərazisində məskunlaşmış Cəfərova Nəcibə Bayram qızı:
“Qurban bayramı” ərəfəsində etdiyi müraciətinə həssaslıqla yanaşıldığına, ailəsinə göstərilən xüsusi diqqət və zəruri köməkliyə görə daxili İşlər naziri general-polkovnik cənab Vilayət Eyvazova təşəkkürünü bildirmişdir.
Sumqayıt şəhər sakini, şəhid anası Quliyeva Şərqiyyə Əvəz qızı:
İşğaldan azad edilmiş Qubadlı rayonunda erməni vandalları tərəfindən dağıdılmış övladının, şəhid polis əməkdaşı İsayev Kamal İnqilab oğlunun məzarının bərpa olunması üçün göstərilmiş diqqət və qayğıya görə daxili işlər naziri general-polkovnik cənab Vilayət Eyvazova minnətdarlığını bildirmişdir.
Cəlilabad rayonu, Moranlı kəndinin sakini İsayev Ruslan Bəxtiyar oğlu:
19.06.2023-cü il tarixdə Cəlilabad rayonu ərazisində baş vermiş yol-nəqliyyat hadisəsinin şahidi olmuş Cəlilabad RPŞ-nin PPXB-nin polis nəfəri polis serjantı Rəcəb İsayevin hadisə zamanı ağır xəsarətlər almış azyaşlını təxirə salınmadan şəxsi minik avtomobili ilə Rayon Mərkəzi Xəstəxanasına çatdırmaqla həyatının xilas edilməsinə köməklik etdiyinə görə DİN-in rəhbərliyinə, Cəlilabad RPŞ-nin rəisinə və həmin əməkdaşa dərin təşəkkürünü bildirmişdir.
Daxili İşlər Nazirliyi http://www.mia.gov.az |
Bakı şəhər Baş Polis İdarəsi http://www.bakupolice.gov.az |
Baş Dövlət Yol Polisi İdarəsi http://www.dyp.gov.az |
Daxili Qoşunların Baş İdarəsi http://dq.mia.gov.az |
İnsan Alverinə qarşı Mübarizə Baş İdarəsi http://www.insanalveri.gov.az |
Polis Akademiyası http://www.pa.edu.az |
Baş Pasport, Qeydiyyat və Miqrasiya İdarəsi http://www.bpqmi.gov.az |
A.N.Heydərov adına Respublika Hospitalı http://www.hospital.mia.gov.az |
"Xəzri" istirahət və sağlamlıq mərkəzi http://www.khazri.mia.gov.az |
Polis qəzeti https://pq.mia.gov.az/ |