Şəxsi Heyətlə İş İdarəsi

Bakı şəhəri, Xəzər rayon sakini Əmrahova Fəridə Ədalət qızı:
Cari ilin iyul ayının 10-da itkin düşmüş azyaşlı qızı Fatimənin yaşadığı Albalılıq yaşayış massivindən 3 kilometr aralıda tapılmasında göstərdikləri köməkliyə görə Xəzər RPİ-nin Post-patrul xidməti Bölüyü əməkdaşlarına öz minnətdalığını bildirir.

Astara rayon sakini Babayev Alış Nübülla oğlu:
Daxili İşlər Naziri general-polkovnik Ramil Usubovu Azərbaycan Polisinin 100 illik yubileyi münasibətilə təbrik edir və onun simasında bütün polislərə bu ağır peşədə müvəffəqiyyətlər arzu edir.

Bakı şəhəri, Binəqədi rayon sakini Salmanov Səməd Cabbar oğlu:
Ona dəymiş 3000 manat ziyan tam olaraq ödənildiyi üçün Bakı şəhər Baş Polis İdarəsinin və Binəqədi rayon Polis İdarəsinin rəhbərliyinə öz təşəkkürünü bildirir.

Qabaqçöl qəsəbə sakini Qurbuçova Ziyafət Məhəmməd qızı imzalayıb yazır:
Balakən-Bakı qatarı ilə paytaxta gələrkən qəflətən vəziyyəti pisləşib, arterial təzyiqi qalxıb. Bu zaman qatarda xidmət aparan polis əməkdaşı Murad Əliyev Yevlax stansiyasına təcili tibbi yardım çağırıb. Həkimlərin müdaxiləsindən sonra vəziyyəti xeyli yaxşılaşıb və sağ-salamat Bakıya gəlib.

Sumqayıt şəhər sakini Kazımova Sevda Məmmədşah qızı «Qürur duydum polislərimizin bu hərəkətlərindən» - deyir:
Naməlum şəxsin onun «İNSTAGRAM» səhifəsinə özünün fotoşəkillərini yerləşdirərək əxlaqsız təkliflər etməsindən yazıb. Qeyd edir ki, 4-cü Polis Bölməsinə müraciətindən sonra dərhal həmin şəxsi tapıb məhkəmə qarşısına çıxarıblar.